23 აპრილს, 16:00 საათზე დინამო თბილისი დავით ყიფიანის სახელობის საქართველოს თასის ნახევარფინალის საპასუხო შეხვედრას გორში დილას წინააღმდეგ გამართავს. მატჩის პირდაპირ რეპორტაჟს საზოგადოებრივი მაუწყებლის მეორე არხი გვთავაზობს. ასევე ტრადიციულად პირდაპირ ტექსტურ და ვიდეო რეპორტაჟს დინამოს ვებგვერდზე იხილავთ.
ჩვენი მეტოქე
გორის საფეხბურთო კლუბი 1949 წელს შეიქმნა და არსებობის მანძილზე სახელწოდება რამდენჯერმე შეიცვალა. 1961 წლიდან კი დილა ეწოდა. გუნდი საშინაო შეხვედრებს გორში, თენგიზ ბურჯანაძის სახელობის სტადიონზე ატარებს, რომელიც 8 300 მაყურებელს იტევს. კლუბის სიმბოლიკა ძირითადად ცისფერ და ბორდოსფერ ფერებშია გადაწყვეტილი. საქართველოს ეროვნული ჩემპიონატის დაწყებიდან 18 წლის შემდეგ – 2008 წელს, გორის დილა უმაღლეს ლიგას დაემშვიდობა. პირველ ლიგაში დაქვეითებულმა გორელებმა მომდევნო – 2009/2010 წლების სეზონი მეორე ლიგაში დაიწყეს. დილა უმაღლეს ლიგას სამწლიანი პაუზის შემდეგ დაუბრუნდა. გუნდმა ჯერ 2009/2010 წლების სეზონში მოიპოვა პირველ ლიგაში ასპარეზობის უფლება, შემდეგ კი 2010/2011 წლების სეზონში უმაღლესი ლიგის საგზურიც მოიპოვა. პირველი ლიგის მესამეადგილოსანმა გორის დილამ გადათამაშებაში სამტრედიას 2:0 მოუგო და ქართული ფეხბურთის ელიტაში აღზევდა. გორის დილამ თავისი პირველი ტიტული 2011/2012 წლების სეზონში მოიპოვა. შიდაქართლელებმა საქართველოს დავით ყიფიანის სახელობის თასის გათამაშების ფინალურ შეხვედრაში ზესტაფონს 4:1 მოუგეს.
მწვრთნელი და დილა
მიმდინარე სეზონში გუნდმა მთავარი მწვრთნელი შეიცვალა. მთავარი მწვრთნელის პოსტზე დილაში მარტის ბოლოდან გია გიგატაძე მუშაობს. მისი ხელმძღვანელობით გორელებმა ხუთი შეხვედრა გამართეს საიდანაც ოთხში დამარცხდნენ და ერთ მატჩში იმარჯვეს.
დინამომდე
ზამთრის პაუზის შემდეგ გორელებმა თასზე დაამარცხეს ტორპედო 2:1. სახლში დამარცხდნენ გურიასთან 1:3. წაგება ზუგდიდთან 1:2. ფრე ვიტ ჯორჯიასთან 1:1. ორი მოგება მერანთან და ტორპედოსთან, შესაბამისად 2:1 და 2:0. წაგება მერანთან 1:2 და ვიტ ჯორჯიასთან იმავე ანგარიშით. მოგება ტორპედოსთან 4:0. მარცხი დინამოსთან თასზე 0:1. ორი წაგება ჩემპიონატში. სპარტაკთან 1:3 და ზუგდიდთან 1:2.
დინამო VS დილა
საქართველოს თასის გათამაშებაში დინამო და დილა ერთმანეთს 11- ჯერ დაუპირისპირდნენ. აქაც თბილისელთა უპირატესობა საგრძნობია. 8 მოგება, 2 ფრე და 1 მარცხი, ხოლო ბურთების შეფარდება 24/9 დინამოს სასარგებლოდ.
1996 წელს დინამომ გორში 3:0 აჯობა მეტოქეს. გოლები ხომერიკმა, დემეტრაძემ და კიკნაძემ გაიტანეს. საპასუხო მატჩში დინამომ ოთხი უპასუხო ბურთით იმარჯვა. დემეტრაძე, გოგიჩაიშვილი, იაშვილი და კობიაშვილი არიან გოლების ავტორები.
1998 წელს დინამო თბილისში დამარცხდა 1:2. გოლი მუჯირის ანგარიშზეა, ხოლო მეორე შეხვედრაში თენგიზ ბურჯანაძის სტადიონზე დედაქალაქელებმა 3:1 იმარჯვეს. ხომერიკის დუბლს ერთი გოლი აშვეთიამ მიამატა.
2000 წელს მტკვრისპირელებმა თბილისში 4:0 მოიგეს. წიტაიშვილმა ორი გოლი გაუტანა გორელებს. თითო ბურთი კი ხუციშვილის და ანჩაბაძის ანგარიშზეა. გასვლაზე დინამოელებმა 4:1 აჯობეს მეტოქეს. სახვაძის ჰეთ-თრიქი და რუხაძის ერთი გოლი.
2004 წელს დინამომ ორივე მატჩში ერთნაირი ანგარიშით 1:0 მოუგო მეტოქეს. ახალაიამ და იაშვილმა გაიტანეს გოლები.
2011 წელს თბილისელებმა პირველ მატჩში ბასაზე ფრე 2:2 ითამაშა. გოლები ჯიღაურმა და კახელიშვილმა გაიტანეს. საპასუხო მატჩი ქართლის სტადიონზე უგოლოდ 0:0 დასრულდა.
ბოლოს თასზე დინამო და დილა 8 აპრილს შეხვდნენ ერთმანეთს. დინამომ ნახევარფინალის პირველ შეხვედრაში დინამო არენაზე ოთარ მარცვალაძის გოლით 1:0 დაამარცხა მეტოქე.
დინამო VS დილა – მსაჯი
საქართველოს თასის ნახევარფინალის საპასუხო შეხვედრას, რომელსაც ჩვენი გუნდი 23 აპრილს გორში დილას წინააღმდეგ გამართავს, გიორგი ვადაჭკორია განსჯის. მას ასისტენტობას ი. უკლება და ზ. მენთეშაშვილი გაუწევენ. დამატებითი არბიტრები იქნებიან ბ. ნინუა და გ. ყრუაშვილი. სათადარიგო მსაჯის ფუნქციებს კი დ. ხარიტონაშვილი შეასრულებს. ჩვენი გუნდის მონაწილეობით გიორგი ვადაჭკორიამ ბოლოს 8 აპრილს ნახევარფინალის პირველ შეხვედრაში იმსაჯა. დინამო თბილისმა გორის დილა 1:0 დაამარცხა. აღნიშნულ მატჩში გიორგი ვადაჭკორიამ ოთხჯერ გააფრთხილა ფეხბურთელები. უკანასკნელი შეხვედრა, რომელიც გიორგი ვადაჭკორიამ იმსაჯა 16 აპრილს პირველ ლიგაში გამართული ლოკომოტივი 2:1 ბათუმის დინამო არის. აღნიშნულ მატჩში გიორგი ვადაჭკორიას ფეხბურთელები ხუთჯერ გააფრთხილა.
დისკვალიფიცირებული ფეხბურთელები
ხვალინდელ შეხვედრას დისკვალიფიკაციის გამო ლუკა რაზმაძე და გურამ გურეშიძე გამოტოვებენ.
დილას სავარაუდო შემადგენლობა
ჩვენი ვარაუდით, ხვალინდელ მატჩში გორის დილას სასტარტო შემადგენლობა ასეთი იქნება:
შეყრილაძე – ორბელაძე, ხიზანეიშვილი, კობახიძე, კვახაძე – ჯიშკარიანი, ბოლქვაძე, შალამბერიძე, კოშკაძე – ბერიაშვილი, სადაღაშვილი