დინამო თბილისის 21 წლის მარცხენაფლანგელს – დარკო გლიშიჩს მაკედონიის ეროვნულ ნაკრებში უხმეს. FIFA-ს რეიტინგში საქართველოს ნაკრებზე 12 პოზიციით მაღლა, 84–ე საფეხურზე მყოფი მაკედონიელები 3 და 11 ივნისს ორ ამხანაგურ მატჩს შვედეთისა და ნორვეგიის ნაკრებების წინააღმდეგ გამართავენ.
დარკო გლიშიჩი – აქამდე მაკედონიის 19 და 21–წლამდელთა ნაკრებში არაერთი თამაში გამიმართავს, თუმცა ქვეყნის პირველ გუნდში პირველად მიმიწვიეს. ძალიან გახარებული ვარ და იმედი მაქვს წარმატებული სპარინგები გამოგვივა.