სიახლეები

ზესტაფონი – დინამოს ოთარ ხეცაძე განსჯის

საქართველოს ჩემპიონატის 29- ე ტურის შეხვედრას, რომელსაც დინამოელები ზესტაფონში, სკ ზესტაფონის წინააღმდეგ გამართავენ, ოთარ ხეცაძე განსჯის. მატჩის მთავარ არბიტრს ასისტენტობას ი. უკლება და გ. ჩიგოგიძე გაუწევენ. დამატებითი ასისტენტები ა. ნონიკაშვილი და გ. ყრუაშვილი იქნებიან. მეოთხე მსაჯის ფუნქციებს კი გ. კიკაჩეიშვილი შეასრულებს.

ვიზიტი ბორნმუთში

25-26 აპრილს ინგლისში, ქალაქ ბორნმუთში მივლინებით იმყოფებოდა დინამო თბილისის ხელმძღვანელობა. ინგლისში საქმიანი შეხვედრები შედგა ბორნმუთის საფეხბურთო კლუბის ხელმძღვანელობასთან. დაათვალიერეს სტადიონი, მოსამზადებელი და სათამაშო ინფრასტრუქტურა. გაგვიზიარეს გამოცდილება, მარკეტინგსა და სელექციაში მუშაობის პრინციპები.

3 მაისი დინამოს ისტორიაში

3 მაისს ზესტაფონში საქართველოს ჩემპიონატის 29- ე ტურის მატჩი ჩატარდება. დინამო თბილისი გასვლით შეხვედრაში ზესტაფონს დაუპირისპირდება. შეხვედრა 19:00 საათზე დაიწყება.

ოთარ მარცვალაძე მამა გახდა

ჩვენი გუნდის თავდამსხმელს- ოთარ მარცვალაძეს ვაჟი, პატარა ნიკოლოზი შეეძინა. დინამოელები ვულოცავთ ოთარს ვაჟიშვილის დაბადებას. ჯანმრთელობას და ბედნიერებას ვუსურვებთ ახალშობილს.

ორმაგი გამარჯვება ჭაბუკთა ლიგაში

ჭაბუკთა ლიგაში 23– ე ტურის მატჩები გაიმართა. დინამო თბილისის 15 და 17 წლამდელთა გუნდები ბათუმელ თანაკლუბელებს დაუპირისპირდნენ და დედაქალაქელებმა ორივე შეხვედრაში იმარჯვეს.