სიახლეები

შაბათს 12 აპრილს დინამო თბილისი საქართველოს ჩემპიონატის XXVI ტურის შეხვედრას ბოლნისის სიონის წინააღმდეგ ჩაატარებს.

12 აპრილს დინამოს თავის ისტორიაში 14 ოფიციალური შეხვედრა აქვს ჩატარებული. 7 მოგება, 2 ფრე და 5 მარცხი. გატანილი და გაშვებული ბურთების ბალანსით 27/16 თბილისელთა სასარგებლოდ.

1990 წელს დინამომ დილას უმასპინძლა და 5 უპასუხო გოლი გაუტანა. ქეცბაიას დუბლს თითო გოლი ცხადაძემ, ცაავამ და გურულმა მიამატეს. 1992 წელს დინამომ 7:2 აჯობა ზუგდიდის ოდიშს. გოლები გაიტანეს: შოთა არველაძემ (3), ყაველაშვილმა, შელიამ, ჩიქოვანმა და კაჭარავამ. ორი წლის შემდეგ თბილისელებმა 4:0 მოუგეს რუსთავის მეტალურგს. შეხვედრაში ორი გოლით გამოირჩა დემეტრაძე. კიდევ ორი გოლი გოგიჩაიშვილმა და ხომერიკმა გაიტანეს. 2001 წელს ზირაქიშვილისა და თუთარაშვილის გოლებით დინამომ 2:1 აჯობა ფოთის კოლხეთს. 2006 წელს სიონმა ბოლნისში აჯობა დინამოს 1:0.

1967 წელს მტკვრისპირელებმა მესხის გოლით 1:0 მოუგეს მოსკოვის ცსკა- ს. 1969 წელს თბილისელებმა მინსკელ თანაკლუბელებს მოუგეს 2:1. პეტრიაშვილმა და გივი ნოდიამ გაიტანეს გოლები. 1970 წელს როსტოვის სკა- სთან წავაგეთ 1:2. გოლი გივი ნოდიას ანგარიშზეა. მომდევნო წელს მოსკოვის ცსკა- მ მოუგო დინამოს 1:0. 1974 წელს ისევ ცსკა და მარცხი 1:3. გოლი ყიფიანმა გაიტანა. 1975 წელს მოსკოვის ლოკომოტივთან მატჩი უგოლოდ დასრულდა. 1978 წელს შენგელიას გოლით კიევის დინამოს ვაჯობეთ. 1980 წელს ფრე კრასნოდარის ყუბანთან 2:2. გოლები მანუჩარ მაჩაიძემ და დავით ყიფიანმა გაიტანეს. 1987 წელს ვილნიუსში ჟალგირისმა მოუგო დინამოს 3:1. ჭედიამ გაიტანა ერთადერთი გოლი.