სიახლეები

დინამო თბილისმა ზუგდიდში 2:1 მოგებულ შეხვედრაში, საქართველოს პირველობაზე საიუბილეო  მე- 800 მატჩი ჩაატარა.

800 მატჩიდან დინამოელებმა 560 დაპირისპირება მოგებით დაასრულეს. 135 ფრედ ითამაშეს და 105- ჯერ დამარცხდნენ. გატანილი და გაშვებული ბურთების ბალანსი 1985/600.

შინ თბილისელებმა 407 მატჩი გამართეს. აქედან 315 დედაქალაქელთა მოგებით დამთავრდა. 55- ჯერ ფრე დაფიქსირდა და 37- ჯერ სტუმრებმა იმარჯვეს. გატანილი 1240 ბურთის წილ 289 მივიღეთ.

გასვლითი 393 დაპირისპირებიდან 245 მატჩი ლურჯ-თეთრებმა მოიგეს. 80 შეხვედრა საყაიმო ანგარიშით დასრულდა და 68 მოგება მასპინძელთა ანგარიშზეა. 745 გატანილი და 310 მიღებული ბურთი.

დიდი ანგარიშით მტკვრისპირელებმა 249 მატჩი დაასრულეს. 1194 გატანილი გოლის წილ 115 მიღებული.

დინამო თბილისს ჩატარებული 800 შეხვედრიდან 400 მატჩში გოლი არ გაუშვია.

1 -   დინამო 0:1 კოლხეთი  30.03.1990

100 -   დინამო 2:0 დილა  22.10.1992

200 -   ივერია 1:1 დინამო  22.10.1995

300 -   სიონი 1:3 დინამო  17.03.1999

400 -  დინამო 3:0 ბათუმი  08.05.2002

500 -  დინამო 3:0 კოლხეთი  14.05.2005

600 -  დინამო 4:0 მესხეთი  27.12.2008

700 -  ვიტ ჯორჯია 2:2 დინამო  06.11.2011

800-  ზუგდიდი 1:2 დინამო  22.11.2014