საქართველოს 14–წლამდელთა ნაკრები 20–დან 27 დეკემბრამდე თბილისში საწვრთნელ შეკრებას გაივლის. სანაკრებო შეკრებაზე დინამო თბილისიდან ხუთი ფეხბურთელი არის გამოძახებული. ჩვენს გუნდს ნაკრებში ლევან ისიანი, ნიკა ყურშავიშვილი, ლაშა ლოსეულაშვილი, ლევან ფოჩხუა და გოგა რაზმაძე წარმოადგენენ.
14–წლამდელთა ნაკრების მსგავსად მოსამზადებელ ეტაპს, 20 დეკემბრიდან 28 დეკემბრის ჩათვლით, შეკრებას საქართველოს 17–წლამდელთა გუნდიც გაივლის. ნაკრების მთავარმა მწვრთნელმა ვასილ მაისურაძემ, რომერლიც პარალელურად ჩვიდმეტწლამდელებს დინამოს აკადემიაშიც ავარჯიშებს, გუნდში ოთარ კაკაბაძეს, თორნიკე მაჭავარიანს, არჩილ მესხს, ჭიაბერ ჭეჭელაშვილს და ივანე წილოსანს უხმო.