საქართველოს 17–წლამდელთა ნაკრები, რომლის მთავარი მწვრთნელიც დინამო თბილისის დუბლშემადგენლობის თავკაცი, ვასილ მაისურაძეა, ავსტრიაში გაემგზავრა. ევროპის ჩემპიონატის ფინალური ეტაპისთვის მოზარდი ჯვაროსნები სენტ-ვაიტში მოემზადებიან. ავსტრიაში თანატოლ მოთამაშეებთან ერთად ექვსი დინამოელი იმყოფება – გიგა სამხარაძე, ოთარ კაკაბაძე, არჩილ მესხი, ჭიაბერ ჭეჭელაშვილი, გიორგი პაპუნაშვილი და ვანო წილოსანი. შეგახსენებთ, რომ ქართველმა 17–წლამდელებმა თბილისში გამართულ ელიტ–რაუნდში (26–31 მარტი) ესპანელ, ინგლისელ და უკრაინელ თანატოლებს აჯობეს.