ჩვენი გუნდის ახალწვეულმა ირაკლი ძარიამ, რომელიც ჩვენი კლუბის ვებ-გვერდის გამოკითხვით მეტალურგთან მატჩის საუკეთესო მოთამაშედ დასახელდა, დინამოს ოფიციალურ შეხვედრაში თავისი პირველი გოლი გაიტანა. ირაკლის მიერ მატჩის ბოლო წუთზე გატანილმა ბურთმა ჩვენს გუნდს ბოლნისის სიონთან შეხვედრაში გამარჯვება მოუტანა.
ირაკლი ძარია- ჩვენი გუნდისთვის მთლიანად თამაში ძალიან რთული გამოდგა. მომენტების რეალიზაციაში მოვიკოჭლებდით, თუმცა მთავარია, რომ გავიმარჯვეთ და ვეცდებით წარმატებული სვლა მომავალშიც გავაგრძელოთ. რაც შეეხება ჩემს თამაშს, ძალიან გახარებული ვარ, რომ დინამოს მაისურით მოვახერხე პირველი გოლის გატანა. ამ გოლს ყველა დინამოს გულშემატკივარს ვუძღვნი და ვპირდები, რომ მომავალშიც ყველანაირად შევეცდები მათი იმედების გამართლებას.