დინამო თბილისის ფიზმომზადების მწვრთნელად 32 წლის იტალიელი სპეციალისტი, რიკარდო დე ვივო იმუშავებს, რომელიც აქამდე ვიტალი დარასელიას სახელობის დინამოს საფეხბურთო აკადემიის ასაკობრივი გუნდების, სარეზერვო და მეორე გუნდის ფეხბურთელთა ფიზიკური მონაცემების გაუმჯობესებაზე წარმატებულად და ნაყოფიერად ზრუნავდა. თბილისში მოწვეულ ხორვატ მწვრთნელს - ზორან შკერიანეცსა და დინამოს აკადემიაში მომუშავე იტალიელ სპეციალისტს შორის არჩევანი ამ უკანასკნელზე შეჩერდა, რომლისთვისაც ქართული გარემო უცხო აღარ არის და ამავდროულად კარგად იცნობს ჩვენი გუნდის საფეხბურთო სპეციფიკას.