20 წლის წინ ქართული ფეხბურთის ისტორიაში მნიშვნელოვანი თამაში ჩატარდა. დინამო თბილისმა, როგორც სუვერენული ქვეყნის წარმომადგენელმა, პირველად იასპარეზა ევროთასებზე. ჩემპიონთა ლიგის საკვალიფიკაციო შეხვედრაში დინამომ ჩრდილოეთ ირლანდიურ ლინფილდს უმასპინძლა და 2:1 დაამარცხა.
შოთა არველაძემ შეხვედრის მე- 7 წუთზე პირველი გოლი გაიტანა ლამონტის კარში. 56- ე წუთზე ჯონსტონმა გაათანაბრა ანგარიში, თუმცა 10 წუთში გელა ინალიშვილმა კიდევ ერთხელ აიღო ბელფასტელთა კარი და დინამომ 2:1 იმარჯვა.
გოლები: 1:0 შ. არველაძე 7’ 1:1 ჯონსტონი 56’ 2:1 ინალიშვილი 66’
გაფრთხილება: ჯონსტონი 62’ ლამონტი 72’
რეფერი: ერმან ტოროღლუ (თურ)
დინამო: ზოიძე, ლობჟანიძე, ნემსაძე, შელია, ინალიშვილი, ყაველაშვილი (ანჩაბაძე 81), ა. არველაძე, ჯამარაული, რ. არველაძე, ქინქლაძე, შ. არველაძე
მწვრთნელი: გივი ნოდია
ლინფილდი: ლამონტი, დორნანი, ისტონი, დოჰერტი, მაკ კონელი, პიბლისი, მაკ კუში, გორმანი, ჯონსტონი, ჰეილოკი (ბიტი 52), ბეილი
მწვრთნელი: ტრევორ ანდერსონი