ჩემპიონთა ლიგის მეორე საკვალიფიკაციო ეტაპის პირველი შეხვედრა ჩვენმა გუნდმა დინამო არენაზე ფარერის კუნძულების ჩემპიონთან – ებ/სტრეიმურთან გამართა და დიდი ანგარიშით – 6:1 იმარჯვა. დაპირისპირების მეთვრამეტე წუთზე ჩვენი გუნდის ნახევარმცველი, ირაკლი ძარია დაშავდა და მის ნაცვლად თამაშში ელგუჯა გრიგალაშვილი ჩაერთო.
მერაბ ვარძუკაშვილი – ირაკლი ძარიას სამედიცინო გამოკვლევები მედი ქლაბ ჯორჯიაში ჩაუტარდა. დეტალური კვლევის შემდეგ გაირკვა, რომ ირაკლის კანჭის ტყუპი კუნთის ნაწილობრივი დაზიანება აქვს. დღეს, ფეხბურთელმა მკურნალობა დაიწყო და დაახლოებით 3–4 კვირა გაუცდება.