საქართველოს 19–წლამდელთა ნაკრებმა ევროპის ჩემპიონატის ელიტ რაუნდის შესარჩევი ეტაპის პირველი შეხვედრა გამართა. მოზარდ ჯვაროსანთა გუნდი ხორვატიაში, მასპინძელ თანატოლებთან ორბურთიანი სხვაობით – 0:2 დამარცხდა. მატჩის 72–ე წუთზე თამაშში დინამოელი ვაჟა მათიაშვილი ჩაერთო, 83–ე წუთზე კი მოედანზე ასევე ჩვენი გუნდის წევრი, საბა ლობჟანიძე გამოვიდა. კიდევ ერთი დინამოელი, ოთარ კაკაბაძე კი შეხვედრის ბოლომდე სათადარიგოთა სკამზე იმყოფებოდა.