საქართველოს დავით ყიფიანის სახელობის თასის გათამაშების მეთექვსმეტედ ფინალურ შეხვედრაში დინამოელებმა სტუ-ს უმასპინძლეს. ჩვენმა გუნდმა მეტოქე დიდი ანგარიშით - 8:0 დაამარცხა. დღევანდელ მატჩში ესტონელმა ფორვარდმა, ვლადიმირ ვოსკობოინიკოვმა ჰეთთრიქის შესრულება მოახერხა. მეტოქის კარში თითოჯერ გაიტანეს მიკელ ალვარომ, გიორგი მერებაშვილმა, დვალმა და რობერტინიომ, ამ უკანასკნელმა მეტოქის კარში თერთმეტმეტრიანიდან გაიტანა. შეხვედრის 53-ე წუთზე კი სტუ-ელმა ჭავჭავაძემ ბურთი საკუთარ კარში ჩაჭრა. აღსანიშნავია, რომ შეხვედრა მეტად კორექტული გამოდგა - მსაჯს მატჩის მონაწილე ფეხბურთელები არ გაუფრთხილებია.
დინამო 8:0 სტუ
1:0 ვოსკობოინიკოვი 8’
2:0 ვოსკობოინიკოვი 24’
3:0 ალვარო 30’
4:0 მერებაშვილი 34’
5:0 ჭავჭავაძე 53’ (ავტოგოლი)
6:0 რობერტინიო 59’ (პენ’)
7:0 ვოსკობოინიკოვი 71’
8:0 დვალი 88’
დინამო: ლორია, კვარაცხელია, სეთურიძე, მერებაშვილი (კოტო 57’), ალვარო (დვალი 46’), რობერტინიო, რეხვიაშვილი, ვოსკობოინიკოვი, ჩისკო (ხმალაძე 56’), გველესიანი, ძარია
სტუ: აბულაძე, ქიმერიძე, ბიწკინაშვილი, ჭავჭავაძე, გაგნიძე (კახაბრიშვილი 46’), ი. გოგატიშვილი (გვაზავა 46’), ჯიშკარიანი, გ. გოგატიშვილი, გაბაშვილი, ფიფია (კოღუა 63’), კიკვაძე