ერევანში დასრულდა უეფას განვითარების თასის გათამაშება 15 წლამდე ფეხბურთელთა შორის. საქართველოს ნაკრები გადამწყვეტ შეხვედრაში მასპინძლებს დაუპირისპირდა და ორი უპასუხო გოლით დაამარცხა მეტოქე. ანგარიში მატჩის 37-ე წუთზე ზუსტად შესრულებული პენალტით დინამოელმა გიგი გლუნჩაძემ გახსნა. მეორე გოლი კი თორნიკე გულიაშვილის ანგარიშზეა.
შეგახსენბთ, რომ პირველ მატჩში ლიბანთან 3-1 მოვიგეთ, მეორე ტურში კი მოლდოვასთან 2-2 ფრეს დავჯერდით. ამრიგად გიორგი ჩიტაურის გუნდმა 7 ქულა დააგროვა და თასიც მოიპოვა.
ტურნირზე დინამოს აკადემიის 12 ფეხბურთელი მონაწილეობდა:
მეკარე: დაჩი ჩოჩოშვილი
მცველები: საბა ხარებაშვილი, გიგი გლუნჩაძე
ნახევარმცველები: ანდრია ხოროიშვილი, ანდრია ვიბლიანი, ნიკოლოზ გვაზავა, ლუკა წულაია, გიორგი გვასალია, ნიკოლოზ ჩიქოვანი, რეზი დანელია, ნიკოლოზ ელისაშვილი
თავდამსხმელი: თორნიკე გულიაშვილი