სამტრედიაში დასრულებული შეხვედრის შემდეგ, რომელშიც დინამომ სამტრედია 1:0 დაამარცხა, ჩვენი გუნდის მთავარმა მწვრთნელმა მატჩის შესახებ კომენტარი გააკეთა.
კახა გოგიჩაიშვილი- სამტრედიაში თამაში ყოველთვის რთულია. ეს შეხვედრა განსაკუთრებულად დაძაბული გამოდგა, რადგან ტიტულისთვის ბრძოლაში სამტრედია ჩვენი ერთ-ერთი კონკურენტია. პირველ ტაიმში რამდენიმე სახიფათო მომენტი შევქმენით და ერთის გამოყენებაც მოვახერხეთ, მეორე ნახევარში კი შედეგზე თამაში ვამჯობინეთ. ბიჭებმა ბოლომდე იბრძოლეს და საბოლოოდ ვიმარჯვეთ. დიდი მადლობა მინდა გადავუხადო მათ ამისათვის.