დინამო თბილისში სამი ფეხბურთელი ჩაირიცხა. ამიერიდან საქართველოს რეკორდსმენის რიგებში იასპარეზებენ 24 წლის გიორგი ბეგაშვილი, 26 წლის გიორგი გურული და 22 წლის არჩილ ტვილდიანი. გიორგი ბეგაშვილი ამპლუთ მეკარეა. მისი ბოლო კლუბი მარტვილის მერანი გახლდათ. მანამდე გიორგის ჩიხურაში, გაგრაში და სამტრედიაში უასპარეზია. მცველი გიორგი გურული დინამომ ქობულეთის შუქურადან დაიმატა. მანამდე კი გურული ქუთაისის ტორპედოში და ზესტაფონში ასპარეზობდა. არჩილ ტვილდიანი კი ორწლიანი განშორების შემდეგ დაუბრუნდა დინამოს. ამ პერიოდში მცველი ბოლნისის სიონში, რუსთავის მეტალურგში და ქობულეთის შუქურაში გამოდიოდა.