დღეს ვიტალი დარასელიას სახელობის დინამოს აკადემიას თბილისის პირველი ექსპერიმენტალური სკოლის მე- 4 კლასის მოსწავლეები ესტუმრნენ. მოსწავლეებს მცირე ექსკურსი ჩაუტარდათ აკადემიაში. მოზარდებმა მოინახულეს ფეხბურთელების საცხოვრებელი, სავარჯიშო და მოსასვენებელი ოთახები. ფეხბურთის სპეციალისტებმა მათ მასტერკლასი ჩაუტარეს. სტუმრებმა შემდეგ სათამაშო მოედანზე გადაინაცვლეს და ჩვენი აკადემიის ფეხბურთელებთან ერთად დინამოს თასი გაითამაშეს. მოსწავლეებს სამახსოვროდ დინამოს თასი, დროშა, საკლუბო ვიმპელები და ჟურნალები გადაეცათ.