შეკრების მეთოთხმეტე დღეს ბელეკში დილიდან მოიღრუბლა და ოდნავი წვიმაც მოვიდა. გიორგი ბეგაშვილს მთელმა გუნდმა მიულოცა იუბილე, დილის ვარჯიში კი იურაი იარაბეკმა ჩვეულებრივი დატვირთვით ჩაატარა. დინამოელებს საღამოს კიდევ ერთი წვრთნა ელით, ხვალ კი ჩვენი გუნდი შეკრების ბოლო სპარინგს გამართავს და ლვოვის კარპატს დაუპირისპირდება. დღეს საღამოს დავით ჭიჭვეიშვილის გუნდი ლუცკის ვოლინთან ისპარინგებს, ხოლო ხვალ ახალგაზრდა თბილისელები სამშობლოში დაბრუნდებიან.