სიახლეები

30 აპრილს, დინამო თბილისი ეროვნული ჩემპიონატის გათამაშების 27- ე ტურში, ჩემპიონის რანგში სამტრედიას ესტუმრება. მე- 16 საჩემპიონო ტიტულის მფლობელი ეროსი მანჯგალაძის სახელობის სტადიონზე ადგილობრივ სამტრედიას შეხვდება.

30 აპრილს დინამო თბილისს თავის ისტორიაში სულ 4 ოფიციალური მატჩი აქვს ჩატარებული. ორი შეხვედრა სსრკ- ს ჩემპიონატში და ორიც საქართველოს პირველობაზე. ორი მოგება ორმა წაგებამ შეცვალა, ხოლო გატანილი და გაშვებული გოლები ბალანსი 7/4 ჩვენი გუნდის სასარგებლოდაა.

1983 წელს თბილისელები კიშინიოვში ადგილობრივ ნისტრუსთან მინიმალური ანგარიშით 0:1 დამარცხდნენ. 1988 წელს დინამომ დონეცკის შახტიორი მიიღო და დინამო სტადიონზე ორი უპასუხო გოლი გაუტანა მეტოქეს. შედეგიანი თამაშით გია გურული და რამაზ შენგელია გამოირჩნენ.

 1994 წელს თბილისელებმა ფოთის კოლხეთი მიიღეს. მატჩი მასპინძელთა სასარგებლოდ 4:1 დასრულდა. გელა ინალიშვილმა დუბლი შეასრულა, თითო გოლი კი მიხეილ ყაველაშვილმა და ალექსანდრე იაშვილმა გაუტანეს ფოთელებს. 2005 წელს თბილისში ქართული დერბი გაიმართა, რომელშიც სტუმრებმა 2:1 მოიგეს. ერთადერთი გოლი ლევან სილაგაძის ანგარიშზეა.