დინამოს აკადემიის მოედანზე ეროვნული ლიგა 2-ის 35-ე ტურის შეხვედრა გაიმართა, რომელშიც დინამოელებმა ხობის კოლხეთს უმასპინძლეს. მატჩი ორივე გუნდისთვის მნიშვნელოვან დატვირთვას ატარებდა - თბილისელებს კომფორტულ ზონაში დასარჩენად გამარჯვება სჭირდებოდათ, ასევე სამი ქულა ხობელებს პლეი აუტის ზონიდან თავს დააღწევინებდა.
ვლადიმერ კაკაშვილის გუნდმა თავს დაკისრებული მისია დამაჯერებლად შეასრულა და მეტოქეს 6 უპასუხო გოლით აჯობა. პირველ ტაიმში კოლხეთის კარში გოლები ლუკა წულუკიძემ, ნიკა უგრეხელიძემ და ნიკა ქოქოსაძემ გაიტანეს, ხოლო მეორე ნახევარში დარჩენილი გოლები ირაკლი იაკობიძის, დიტო ფაჩულიას და ნიკა სიხარულაშვილის ანგარიშზეა. ამრიგად დედაქალაქელებმა გათამაშების დასრულებამდე ერთი ტურით ადრე 51 ქულა დააგროვეს, მეხუთე ადგილი დაიკავეს და წელს აღზევებულ ლიგა 2-ში ადგილი შეინარჩუნეს.
მომდევნო, ბოლო ტურის მატჩს დინამოელები მარტვილში ადგილობრივ მერანთან, 2 დეკემბერს გამართავენ.
დინამო-2 6-0 კოლხეთი ხობი
მატჩის ოქმი
ფოტოამბავი