დღეს დინამო არენაზე საქართველოს პირველობის 21- ე ტურის შეხვედრაში დინამო თბილისმა გორის დილას უმასპინძლა. მატჩი, რომელიც მთლიანად დედაქალაქური გუნდის სათამაშო უპირატესობით წარიმართა, საბოლოოდ სტუმართა გამარჯვებით დასრულდა. დინამომ გოლი კონტრშეტევიდან პირველ ტაიმში გაუშვა და არაერთი მცდელობის მიუხედავად საპასუხოს გატანა ვერ შეძლო. მიმდინარე სეზონში ეს იყო თბილისელთა პირველი მარცხი საკუთარ მოედანზე. დინამო TV ჩატარებული მატჩის ვიდეო სიუჟეტს გთავაზობთ.