9-14 ნოემბერს 19 წლამდე ნაკრებთა შორის საერთაშორისო ტურნირი გაიმართება. ახალგაზრდა ჯვაროსნები ესპანეთის, საფრანგეთის და ჰოლანდიის ნაკრებებს დაუპირისპირდებიან, შესაბამისად 9, 11 და 14 ნოემბერს. გიორგი ყიფიანმა დინამო თბილისიდან ნაკრებში 9 ფეხბურთელს უხმო. დემეტრე ბულისკერია, დავით კობოური, დავით კიკალიშვილი, ლუკა ქაფიანიძე, ლევან ხარაბაძე, ლუკა ფოჩხუა, გიორგი კუცია, გიორგი ჩაკვეტაძე და ბექა ქავთარაძე სხვებთან ერთად მოემზადებიან აღნიშნული ტურნირისთვის.