საქართველოს ახალგაზრდულმა ნაკრებმა ევროპის ჩემპიონატის შესარჩევი ციკლის ბოლო მატჩი ზესტაფონში ჩაატარა. დავით აბაშიძის სახელობის სტადიონზე გია გეგუჩაძის კრებულმა ხორვატიის ახალგაზრდული ნაკრები მიიღო და საინტერესო შეხვედრაში ფრედ 2:2 დაცილდა. შეხვედრაში ანგარიში ჩვენი გუნდის შემტევმა- გიორგი პაპუნაშვილმა გახსნა, მეორე გოლი კი ნიკა კაჭარავას ანგარიშზეა. პაპუნაშვილის გარდა დინამო თბილისიდან ახალგაზრდული ნაკრების ძირითად შემადგენლობაში ოთარ კიტეიშვილმა (ნაკრების კაპიტანი) და მათე ცინცაძემ იასპარეზეს, ხოლო გიორგი თევზაძე შეცვლაზე შევიდა.