12 ივლისს დინამო თბილისი უეფას ჩემპიონთა ლიგის პირველი საკვალიფიკაციო რაუნდის პირველ შეხვედრას ასტანაში გამართავს. საქართველოს ჩემპიონი ყაზახეთის ჩემპიონს ასტანა არენაზე დაუპირისპირდება. მატჩი თბილისის დროით 18.00 საათზე დაიწყება და შეხვედრას ავსტრიელ მსაჯთა ბრიგადა მოემსახურება.
მთავარი არბიტრი კრისტიან-პეტრუ ჩოკირკა გახლავთ. მას ასისტენტობას მაქსიმილიან ვაისი და მიხაელ ობრიცბერგერი გაუწევენ. მეოთხე მსაჯი ჰარალდ ლეხნერი იქნება.