სიახლეები

დღეს ვიტალი დარასელიას სახელობის საფეხბურთო აკადემიის მოედანზე 19 წლამდელთა ლიგის მეოთხე ტურის მატჩი ჯგუფის ლიდერებმა დინამომ და ლოკომოტივმა ჩაატარეს. დედაქალაქური გუნდები სატურნირო ცხრილში ერთნაირი დაგროვილი ქულებით პირველ-მეორე ადგილებს იყოფენ, აქედან გამომდინარე თბილისური დერბი საკმაოდ საინტერესოდ, დაძაბულად და სანახაობრივად წარიმართა. ანგარიში სტუმრებმა მატჩის მე- 13 წუთზე ოზბეთელაშვილის გოლით გახსნეს, რასაც 15 წუთში ზუსტი დარტყმით ერგემლიძემ უპასუხა და ანგარიში გაათანაბრა. ერგემლიძემ შეხვედრაში დუბლი 58- ე წუთზე შეასრულა და მასპინძლები დააწინაურა, თუმცა საბოლოო ანგარიში 85- ე წუთზე წულეისკირმა დააფიქსირა და თბილისური დერბი ფრედ 2:2 დასრულდა. მომდევნო შეხვედრას დინამოელები 7 აპრილს რუსთავის წინააღმდეგ ჩაატარებენ.

U19 დინამო 2:2 ლოკომოტივი

U19 დინამო: ბულისკერია, კიკალიშვილი, ხარშილაძე, ქაფიანიძე, უგრეხელიძე, დარცმელია, კვარაცხელია, დავითაშვილი, ქავთარაძე (ბაბუნაძე 76), კიტეიშვილი (მექვაბიშვილი 71), ერგემლიძე (სილაგაძე 81)

U19 ლოკომოტივი: გურგენიძე, ჯაფარიძე, ანდრონიკაშვილი, ფიფია, ნიკოლეიშვილი (ცერცვაძე 38), ძებნიაური, ობოლაძე, მუზაშვილი, ქიმერიძე (შეწირული 38), წულეისკირი, ოზბეთელაშვილი (გრძელიძე 61)