დღეს ზესტაფონში დავით აბაშიძის სახელობის სტადიონზე გაიმართა ეროვნული ჩემპიონატის მეოცე ტურის შეხვედრა, რომელშიც საჩხერის ჩიხურამ დინამო თბილისს უმასპინძლა. მალხაზ ჟვანიას გუნდმა ანგარიშით 5:1 დაამარცხა უშუალო კონკურენტი და განიმტკიცა სატურნირო მდგომარეობა.
შეხვედრა თავიდანვე დინამოელთა შეტევებით დაიწყო და უკვე მე- 8 წუთზე თბილისელები გიორგი პაპუნაშვილმა დააწინაურა. მატჩის 22- ე წუთზე გაბედავამ გაქვითა ანგარიში 1:1. პირველ ტაიმში კიდევ ორი გოლი გავიდა. ჩისკომ 36- ე წუთზე თერთმეტმეტრიანის ნიშნულიდან კვლავ დააწინაურა დედაქალაქელები 2:1, ხოლო ტაიმის მიწურულს მერებაშვილმა მესამედ აიღო საჩხერეს კარი.
შეხვედრის მეორე ნახევარი იმავე სცენარით წარიმართა და 58- ე წუთზე ჩისკომ შეხვედრაში მეორედ დალაშქრა თევდორაძის კარი 1:4. ხუთ წუთში ესპანელმა ფორვარდმა ჰეთ-თრიქი შეასრულა და მატჩის საბოლოო ანგარიში 1:5 დააფიქსირა.
ჩიხურა 1:5 დინამო
გოლი: 0:1 პაპუნაშვილი 8’ 1:1 გაბედავა 22’ 1:2 ჩისკო (პენ) 36’ 1:3 მერებაშვილი 43’ 1:4 ჩისკო 58’ 1:5 ჩისკო 63’
გაფრთხილება: კვარაცხელია 35’ ძარია 39’
ჩიხურა: თევდორაძე, კვარაცხელია, ჯიღაური (ჩიკვაიძე 65), გაბედავა, კვასხვაძე, ლომაშვილი, დათუნაიშვილი (ქიმაძე 62), ბეჭვაია, ოდიკაძე, დეკანოიძე, ხმალაძე
დინამო: ლორია, ხიდეშელი, ცინცაძე, მერებაშვილი (გოგა 50), პაპუნაშვილი, პაპავა, კვირკველია (რეხვიაშვილი 75), მარცვალაძე (გლიშიჩი 60), ჩისკო, გველესიანი, ძარია
მსაჯი: გიორგი ვადაჭკორია