დინამო თბილისი 9 მარტს ქუთაისში ტორპედოს წინააღმდეგ ჩემპიონატის ოცდამეერთე ტურის შეხვედრას გამართავს. მატჩი 15:00 საათზე დაიწყება.
9 მარტს დინამოს აქამდე ორი ოფიციალური მატჩი აქვს ჩატარებული და ორივეში თბილისელმა ფეხბურთელებმა გამარჯვება მოიპოვეს. ეროვნულ ასპარეზზე მტკვრისპირელებმა შარშან იასპარეზეს სკ ზუგდიდის წინააღმდეგ. დინამო არენაზე გამართული მატჩი მასპინძლების გამარჯვებით ანგარიშით 3:0 დასრულდა. გოლები ზუგდიდელთა კარში ჩისკომ, ალვარომ და დვალმა გაიტანეს.
სსრკ- ს ჩემპიონატში თბილისელებმა 1986 წელს მინსკელ თანაკლუბელებს უმასპინძლეს და 2:1 დაამარცხეს. გოლები იმ შეხვედრაში თენგიზ სულაქველიძემ და ვალერი გაზაევმა გაიტანეს.
