შეკრების მეოთხე დღეს კახი კაჭარავამ უმატა დატვირთვებს და ფეხბურთელებს წვრთნა სწრაფძალოვანი ვარჯიშის რეჟიმში ჩაუტარა. გუნდს კიდევ სამი ფეხბურთელი შეუერთდა. აკადემიიდან მცველი ლუკა ქაფიანიძე და ნახევარმცველი ლუკა ფოჩხუა, რომელიც შევარდენში გახლდათ განათხოვრებული. ასევე დინამოში სინჯებზეა 26 წლის ნახევარმცველი - ნიკა ფილიევი, რომელიც მოსკოვის ლოკომოტივის აღზრდილია და აღნიშნული გუნდის გარდა სხვა და სხვა დროს ასევე მოსკოვის ცსკა- ს, პერმის ამკარის, ბრატისლავის სლოვანის და გორის დილას ღირსებას იცავდა. ნიკა ბოლოს რუსეთის დომოდედოვოში გამოდიოდა.