საქართველოს 18 და 20 წლამდელთა ნაკრებმა გუნდებმა შეკრება დაიწყეს. შეგახსენებთ, რომ 18 წლამდე ნაკრები ცოტახნის წინ ჩამოყალიბდა და მას გიორგი მიქაძე უხელმძღვანელებს, შესაბამისად მათთვის პირველი შეკრებაა. ჭაბუკები 7 ოქტომბერს ცხინვალთან ამხანაგურ მატჩსაც ჩაატარებენ. 18 წლამდე ნაკრების შეკრებაზე დინამო თბილისიდან 4 ფეხბურთელია მიწვეული. გიორგი მამარდაშვილი, ბექა ხარშილაძე, ფირუზ გაბიტაშვილი და ნიკა გაბელაია პირველად მოირგებენ ამ ასაკობრივი ნაკრების ფორმას. მეორე შეკრებას გადის საქართველოს 20 წლამდე ნაკრები. ახალგაზრდები ამხანაგურ მატჩს 6 ოქტომბერს ვიტ ჯორჯიასთან გამართავენ. ვასილ მაისურაძემ თავის კრებულში დინამოდან ლუკა სილაგაძე მიიწვია.