15 წლამდე დინამოელებმა ოქროს ლიგაში მეცამეტე ტურის შეხვედრა ჩაატარეს. ვახტანგ იაგორაშვილის გუნდმა სფფ- ს აკადემიის გუნდს უმასპინძლა და 3:1 დაამარცხა ზუგდიდელი ოპონენტი. მორჩილაძემ ორჯერ აიღო სტუმართა კარი, ერთი გოლი კი აბუაშვილის ანგარიშზეა. თბილისელები სატურნირო ცხრილში პირველ ადგილზე იმყოფებიან (გატანილი და გაშვებული ბურთების ბალანსით 55/11), მომდევნო შეხვედრას კი დინამოელები 29 ოქტომბერს ქუთაისში ტორპედოს წინააღმდეგ ჩაატარებენ.
U15 დინამო თბილისი 3:1 სფფ აკადემია ზუგდიდი
U15 დინამო: ლურსმანაშვილი, ხეცურიანი, ერაძე, ხორავა (ქოჩაკიძე 62), ოსეყმაშვილი (გოდერძიშვილი 30), სამადაშვილი (მაისურაზე 36), აბუაშვილი, ზურაბიანი (შაშიაშვილი 45), ფირცხალაიშვილი (ჯინჯოლავა 37), კონიაშვილი (იაკობიძე 55), მორჩილაძე