სიახლეები

5 მარტს დინამო თბილისი საიუბილეო ჩემპიონატის პირველი ტურის შეხვედრას რუსთავის წინააღმდეგ ჩაატარებს. მატჩი დინამო არენაზე 18.00 საათზე დაიწყება.

5 მარტს დინამოს თავის ისტორიაში 4 მატჩი აქვს ჩატარებული. თბილისელებმა ოთხივე პაექრობა თავის სასარგებლოდ დაასრულეს. 1999 წელს დინამომ მერანი-91 ორი უპასუხო გოლით დაამარცხა. გოლები შოთა ჩომახიძემ და კობა წიტაიშვილმა გაიტანეს. 2005 წელს ქუთაისმა ქართულ დერბის უმასპინძლა. დინამომ ტრადიციული მეტოქე დიდი ანგარიშით 4:1 დაამარცხა. ლევან მელქაძემ ჰეთ თრიქი შეასრულა, ერთი გოლიც ქუთაისელებს გოჩა ჯამარაულმა გაუტანა. ათი წლის შემდეგ დინამომ ზესტაფონი მიიღო და 3:2 აჯობა მეტოქეს. მანუელ ონვუმ ორჯერ გამოიჩინა თავი, ერთი გოლიც ლაშა თოთაძის ანგარიშზეა. 2017 წელს თბილისელებმა ფოთის კოლხეთი მიიღეს და ბაჩანა არაბულის გოლით 1:0 დაამარცხეს მეტოქე.