ჭაბუკთა ლიგის 15 წლამდელთა გათამაშებაში მერვე ტურის მატჩი ჩაატარა დინამოს 14 წლამდე შემადგენლობამ. ლოკომოტივთან შეხვედრა საინტერესო გამოდგა, მომენტებიც ორივე გუნდს შეექმნა, თუმცა მათი გამოყენება მასპინძლებმა უკეთ მოახერხეს და დინამო 1:2 დამარცხდა. გოლი ლოკომოტივის კარში თოდუამ გაიტანა. ვასილ გეგუჩაძის შეგირდები, რომლებიც შეგახსენებთ, რომ ერთი წლით უფროს კატეგორიაში გამოდიან, 8 მატჩის შემდეგ დაგროვებული 12 ქულით სატურნირო ცხრილში მეოთხე ადგილზე არიან.
U15 ლოკომოტივი 2:1 დინამო U14
U14 დინამო: ჯოჯუა, ბაგრატიონი, მოლაშვილი (თოდუა 36), არჩაია (ჯანაშია 36), კერენჩხილაძე (ქართველიშვილი 65), გაფრინდაშვილი, ლაცაბიძე, კობახიძე (გოგობერიშვილი 50), გეგიაძე, თათულაშვილი (აღდგომელაშვილი 36), ნიკოლაიშვილი (ხუტიაშვილი 36)