საქართველოს ახალგაზრდულმა ნაკრებმა უელსთან მეორე ამხანაგური მატჩი ჩაატარა და ისევ ფრეს დასჯერდა. შეხვედრა მიხეილ მესხის სახელობის სტადიონზე გაიმართა, გოლები კი მატჩის ბოლოსკენ იხილა გულშემატკივარმა. ანგარიში სტუმრებმა 89- ე წუთზე პენალტით გახსნეს, ხოლო მატჩისათვის კომპენსირებულ მეორე წუთზე აკაკი შულაიას საგოლე გადაცემით გიორგი კოხრეიძემ იხეირა და შეხვედრაც 1:1 მორჩა. შეგახსენებთ, რომ პირველი მატჩი ამ გუნდებს შორის 2:2 დასრულდა. გია ცეცაძემ ძირითადში ორი დინამოელი - ლუკა ლოჩოშვილი და აკაკი შულაია ათამაშა. შეცვლაზე კი ოთო გოშაძე და დავით კობოური შევიდნენ.