დღეს საქართველოს ახალგაზრდულმა ნაკრებმა ლიეტუვას ქალაქ გარგჟდაიში ევროშესარჩევი ეტაპის მორიგი მატჩი ჩაატარა, რომელშიც მასპინძელთა ნაკრებს დაუპირისპირდა და გატანილი გოლების გარეშე დაცილდა. მეორე ტაიმი ახალგაზრდა ჯვაროსნების დიდი უპირატესობით წარიმართა, თუმცა გადამწყვეტი ზუსტი დარტყმის შესრულება ვერ მოხერხდა. გია ცეცაძემ ძირითად შემადგენლობაში დინამო თბილისიდან მცველი დავით კობოური და შემტევი აკაკი შულაია გაამწესა. ახალგაზრდა ჯვაროსნები 11 სექტემბერს მალტასთან ამხანაგურ მატჩს ვალეტაში ჩაატარებენ.