დღეს ჭაბუკთა ლიგაში 15 და 17 წლამდელთა ოქროს ლიგის მორიგი ტურის მატჩები გაიმართა. 15 წლამდე დინამოელებმა აკადემიის მოედანზე ბათუმის დინამოს უმასპინძლეს და დიდი ანგარიშით 5:0 დაამარცხეს მეტოქე. ბაბლუანმა დუბლი გაიფორმა, თითო გოლი იობაშვილმა, სიხარულაშვილმა და სიჭინავამ გაიტანეს. სატურნირო ცხრილში 7 ჩატარებული მატჩის შემდეგ 18 ქულით და ბურთების ბალანსით 29/2 დინამოელები პირველ ადგილს იკავებენ. მომდევნო მატჩს ვახტანგ იაგორაშვილის გუნდი 12 სექტემბერს ქუთაისის ტორპედოს წინააღმდეგ ჩაატარებს.
17 წლამდე შემადგენლობა ქუთაისში ტორპედოს დაუპირისპირდა და უაღრესად საინტერესო შეხვედრაში 3:4 დამარცხდა. ერთი გოლი ლომთაძემ გაიტანა, დუბლი კი აწყურელის ანგარიშზეა. სტუმრები 2:0 იგებდნენ, შემდეგ მასპინძლები დაწინაურდნენ და საბოლოოდ იმარჯვეს კიდეც. გოჩა ჩიქოვანის გუნდმა სატურნირო ცხრილში 18 ქულით და ბურთების ბალანსით 36/5 მეორე ადგილზე ჩაინაცვლა. გათამაშებას გორის დილა ლიდერობს, რომელსაც დინამოელები 16 სექტემბერს გორში შეხვდებიან, მანამდე კი ჩვენი გუნდი 11- ში ლოკომოტივს უმასპინძლებს.
U15 დინამო თბილისი 5:0 დინამო ბათუმი
U15 დინამო: მოდებაძე, სალუქვაძე, გოგობერიშვილი, ქავთარაძე, გაგნიძე, ბაბლუანი, სიჭინავა, ჩხეტიანი, იობაშვილი, უგრეხელიძე, სიხარულიძე
შეცვლაზე შევიდნენ: გოგოტიშვილი, უბილავა, აზარაშვილი, მელაძე, გეგიაძე, შენგელია
U17 ტორპედო 4:3 დინამო
U17 დინამო: თვალაძე, მელიქიშვილი, ჭავჭანიძე, კალანდაძე, ქველაძე, ოსიყმაშვილი, კოპალეიშვილი, ფარულავა, ჩარკვიანი, ლომთაძე, აწყურელი
შეცვლაზე შევიდნენ: ხორხელი, თუდები, ზურებიანი