საქართველოს 19 წლამდელთა ნაკრებმა ევროპის ჩემპიონატის შესარჩევი ეტაპი წარმატებულად გახსნა. ჯვაროსნებმა მიხეილ მესხის სახელობის სტადიონზე ლიხტენშტაინი დიდი უპირატესობით 7:0 დაამარცხეს. სამი გოლი გიორგი გულიაშვილმა გაიტანა, თითოჯერ კი თავი ზურიკო დავითაშვილმა, ხვიჩა კვარაცხელიამ, თამაზ ბაბუნაძემ და გიორგი ივანიაძემ გამოიჩინეს. გიორგი მიქაძემ ძირითად შემადგენლობაში 6 დინამოელი - დემეტრე ბულისკერია, ლევან ხარაბაძე, ფირუზ გაბიტაშვილი, ანზორ მექვაბიშვილი, ბექა დარცმელია და თამაზ ბაბუნაძე გაამწესა. შეცვლაზე კი თემურ გაბუნიაც შეუშვა. მომდევნო შეხვედრას 19 წლამდელები 17 ნოემბერს აზერბაიჯანის წინააღმდეგ გამართავენ.