ბათუმში ეროვნული ლიგის პირველი ტურის გადადებული შეხვედრა გაიმართა, რომელშიც ადგილობრივმა დინამომ დედაქალაქურ დინამოს უმასპინძლა.
მატჩი სტუმრებმა აქტიურად დაიწყეს და მე-10 წუთისთვის ანგარიშის გახსნაც შეეძლოთ, თუმცა მთელი მატჩი მაღალ დონეზე მოთამაშე ლუკა ხარატიშვილმა ურთულესი დარტყმა მოიგერია. პირველი ტაიმი გარდამავალი უპირატესობით წარიმართა, სტუმრებმა კი გოლი 24-ე წუთზე კონტრშეტევის შედეგად მიიღეს. ჯალენ ბლესა ერთი ერთზე გავიდა და ზუსტად დაარტყა. ამის შემდეგ დედაქალაქელებს არაერთი საგოლე მომენტი შეექმნათ, მაგრამ ხან მეკარის ოსტატობა და ხან შემტევთა მიერ არაზუსტად დასრულებული ეპიზოდი... მეორე ნახევრის შუაში კონტრშეტევაზე ბლესას რეალური საგოლე მომენტი შეექმნა, რომელიც ბოლო წამს გიორგი გვასალიამ განმუხტა. მოჰამად ფოფანამ ორი ყვითელის გამო 83-ე წუთზე მოედანი დატოვა, თბილისელებმა შტურმი მოაწყვეს ბათუმელთა კართან, მაგრამ გოლის გატანა ვერ მოახერხეს. თბილისელტა რიგებში მატჩის 77-ე წუთზე ნიკოლოზ ქუთათელაძის დებიუტი შედგა.
მომდევნო შეხვედრას ვლადიმერ კაკაშვილის გუნდი 5 აპრილს პეტრო არენაზე, გაგრასთან გამართავს.
მატჩის ოქმი
ფოტოამბავი