დინამო თბილისის დუბლშემადგენლობამ, სამედიცინო უნივერსიტეტთან მდებარე, საბურთალოს კუთვნილ ხელოვნურსაფარიან მოედანზე ბენდელას თასის გათამაშების მესამე ტურის შეხვედრა გამართა. ჩვენი გუნდის მეტოქე, აფრიკელი ფეხბურთელებით დაკომპლექტებული, იუსი ბესტი გახლდათ. დათოვლილ მოედანზე გამართული მატჩი გარდამავალი უპირატესობით წარიმართა და გუნდებმა ერთმანეთს არაერთხელ შეუქმნეს ხიფათი. დაძაბულ და ხისტ შეხვედრაში ძირითადი დროს გამარჯვებული გუნდის გამოსავლენად საკმარისი არ აღმოჩნდა. ტურნირის ფორმატიდან გამომდინარე გატანილი ბურთების გარეშე დასრულებული 90 წუთის შემდეგ, გუნდებმა თერთმეტმეტრიანი დარტყმები შეასრულეს. პენალტების სერიაში გამარჯვება გიორგი დევდარიანის შეგირდებმა მოიპოვეს. დინამოს დუბლებმა ზედიზედ მესამე შეხვედრა მოიგეს თერთმეტმეტრიანებით, ამჯერად 7–6
დღევანდელი მატჩის ფოტოები ჩვენი კლუბის Facebook-ზე.