საქართველოს ახალგაზრდული ნაკრები ევრო 2021- ის საკვალიფიკაციო ორ მატჩს გორში გამართავს. ახალგაზრდა ჯვაროსნები 9 და 13 ოქტომბერს შესაბამისად - შვეიცარიას და აზერბაიჯანს უმასპინძლებენ. ვასილ მაისურაძემ აღნიშნულ მატჩებში მონაწილეობის მისაღებად დინამოდან 4 ფეხბურთელს - დავით კობოურს, ირაკლი აზაროვს, გიორგი კუციას (შვეიცარიასთან მატჩს დისკვალიფიკაციის მიზეზით გამოტოვებს) და ანზორ მექვაბიშვილს უხმო.