სიახლეები

დღეს ზესტაფონში საქართველოს ჩემპიონატის 29- ე ტურის ცენტრალური შეხვედრა გაიმართა, რომელშიც ადგილობრივმა ზესტაფონმა დინამო თბილისს უმასპინძლა.

მატჩი ორივე გუნდმა საკმაოდ აქტიურად დაიწყო. უკვე მე- 15 წუთზე ჩისკომ შესანიშნავი დარტყმით გახსნა ანგარიში 0:1. 23- ე წუთზე რევაზ გეწაძემ აღადგინა წონასწორობა 1:1. 6 წუთში კი ნიკა საბანაძემ ზუსტი დარტყმით მასპინძლები წინ გაიყვანა 2:1. დინამოელები მასირებულ შეტევაზე გადავიდნენ და კუთხურის შემდეგ მარცვალაძემ სტატუს-ქვო აღადგინა 2:2. მეორე ტაიმიც პირველივით აქტიურად წარიმართა. დინამოელებს მინიმუმ სამჯერ არ გაუმართლათ, როდესაც ჩვენი ფეხბურთელების მიერ დარტყმული ბურთი სამივე შემთხვევაში ძელმა მოიგერია. ჩისკოს შეეძლო დინამოს დაწინაურება თუმცა არაზუსტად შეასრულა პენალტი. 81- ე წუთზე კაპანაძემ გაიტანა გოლი და მატჩის საფინალო შედეგი დააფიქსირა 3:2.

ზესტაფონი  3:2  დინამო

გოლი: 0:1 ჩისკო 15’  1:1 გეწაძე 23’  2:1 საბანაძე 29’  2:2 მარცვალაძე 35’  3:2 კაპანაძე 81’

გაფრთხილება: რეხვიაშვილი 19’ გურული 44’  გრიგალაშვილი 88’  ცინცაძე 88’ 

ზესტაფონი: პავლოვიჩი, ღონღაძე, რენე (გრიგალაშვილი 15), ჭელიძე, გურული, შარიქაძე, კუხიანიძე (ჭანკოტაძე 65), ჭანტურიშვილი, დოლიძე, გეწაძე (კაპანაძე 80), საბანაძე

დინამო: ლორია, ხიდეშელი, რეხვიაშვილი, კვირკველია, ხურცილავა, ცინცაძე, ძარია, გორგიაშვილი (პაპუნაშვილი 68), მერებაშვილი, ჩისკო (მოდებაძე 85), მარცვალაძე

არბიტრი: ოთარ ხეცაძე