უმაღლესი ლიგის XXVIII ტურის მატჩი დინამოელებმა განმუხურში, საფეხბურთო კლუბ ზუგდიდის წინააღმდეგ ჩაატარეს და ორბურთიანი სხვაობით - 2:0 იმარჯვეს. დედაქალაქელებმა ანგარიში დაპირისპირების 60-ე წუთზე გახსნეს, გოლი შეცვლაზე შემოსულმა გიორგი გველესიანმა გაიტანა. მატჩის 90-ე წუთზე საფინალო ანგარიში კი ლევან ხმალაძემ დააფიქსირა - 2:0 დინამოელთა სასარგებლოდ.
დღევანდელი მოგების შემდეგ თბილისელები 28 ჩატარებულ მატჩში მოპოვებული 66 ქულით სატურნირო ცხრილს დამაჯერებლად ლიდერობენ.
ზუგდიდი: ძაგანია, სიხარულია, ლომია, აფაქიძე, ონიანი (კობერიძე 90’), გაბედავა, ეხვაია, აქუბარდია, ქვარცხავა, ხუბუა (მალანია 89’), კანკია (კუკავა 78’)
დინამო: ლორია, კვარაცხელია, შაშიაშვილი (გველესიანი 21’), გლიშიჩი, სეთურიძე, ხმალაძე, ძარია, გრაიციარი, მერებაშვილი, ჩისკო (დვალი 90’), ალვარო
გაფრთხილება: გველესიანი, სეთურიძე