1 თებერვალს, დინამო თბილისმა თურქულ შეკრებაზე მესამე მატჩი გამართა. ამჯერად კახა ცხადაძის გუნდის მეტოქე ბულგარეთის ჩემპიონი - რაზგრადის ლუდოგორეცი გახლდათ.
მატჩი დინამოელთა უპირატესობით წარიმართა, თუმცა მოთამაშეებმა შექმნილი მომენტები ვერ გამოიყენეს და თბილისური კლუბი მინიმალური ანგარიშით - 0:1 დამარცხდა. ერთადერთი გოლი 71-ე წუთზე გავიდა, საიმონ ბენიოს შეცდომით სტეფან ბაჯიმ ისარგებლა და გოლის გატანა მახვილი კუთხიდან მოახერხა. დინამოელებმა ანგარიშის გათანაბრება სწრაფად მოახერხეს, თუმცა გიორგი გაბედავას გატანილი გოლი გვერდითმა არბიტრმა თამაშგარე მდგომაროების გამო გააუქმა.
დინამო თბილისი 0:1 ლუდოგორეცი
დინამო თბილისი: კერესელიძე, მაისურაძე, ხვადაგიანი, ბენიო, კალანდაძე, მოისწრაფიშვილი, მექვაბიშვილი, ოსეი, კამარა, გაბედავა, ბილენკი
შეცვლაზე გამოვიდნენ: ნოდარ ლომინაძე, გიორგი გვიშიანი, ჯადული იობაშვილი
მთავარი მწვრთნელი: კახა ცხადაძე
გოლი: 0:1 ბაჯი (71)
ლუდოგორეცის წინააღმდეგ გამართული შეხვედრით დინამო თბილისმა თურქული შეკრების პირველი ეტაპი დაასრულა. გუნდი უახლოეს დღეებში დაისვენებს და 5 თებერვლიდან საწვრთნელი პროცესი კვლავ ბელეკში განახლდება.