სიახლეები

დინამო თბილისი საქართველოს XXV ეროვნულ ჩემპიონატს საშინაო მატჩით იწყებს. დინამოელები საიუბილეო გათამაშების პირველ ტურის შეხვედრას 11 აგვისტოს, საკუთარ მოედანზე, ზესტაფონის საფეხბურთო კლუბის წინააღმდეგ გამართავენ. ჩვენ გუნდს 11 აგვისტოს 8 ოფიციალური მატჩი აქვს გამართული – 2 ეროვნულ ასპარეზზე, 6 კი საბჭოთა კავშირის პირველობაზე.

1949 წლის 11 აგვისტოს დინამოელებმა მინსკელ თანაკლუბელებს უმასპინძლეს და მეტოქე ხუთბურთიანი სხვაობით – 6:1 დაამარცხეს. სამი გოლი გაიტანა ღოღობერიძემ, თითო გატანილი ბურთით გამოირჩნენ პანიუკოვი, თოდრია და მახარაძე.

1950 წლის 11 აგვისტოს ჩვენმა გუნდმა ხარკოვის ლოკომოტივს უმასპინძლა. მატჩი ფრედ, გატანილი გოლებს გარეშე – 0:0 დასრულდა.

1960 წლის 11 აგვისტოს დინამომ გასვლითი მატჩი ტაშკენტში გამართა. ჩვენმა ფეხბურთელებმა პახტაკორი 2:1 დაამარცხეს. გოლები მელაშვილმა და კალოევმა გაიტანეს.

1964 წლის 11 აგვისტოს ჩვენმა გუნდმა მოსკოვის სპარტაკი სტუმრად მინიმალური ანგარიშით 1:0 დაამარცხა. მეტოქის კარში გამარჯვების გოლი მეტრეველმა გაიტანა.

1966 წლის 11 აგვისტოს დინამო ლენინგრადის ზენიტს სტუმრად დაუპირისპირდა. მატჩი ფრედ – 2:2 დასრულდა. გოლები დათუნაშვილმა და მესხმა გაიტანეს.

1967 წლის 11 აგვისტოს თბილისელმა ფეხბურთელებმა მინსკის დინამოს უმასპინძლეს. შეხვედრა საყაიმო ანგარიშით – 1:1 დასრულდა. მეტოქის კარში გოლი დათუნაშვილმა გაიტანა.

ეროვნულ ასპარეზზე დინამოელებმა 11 აგვისტოს პირველად 2007 წელს ითამაშეს. საქართველოს ჩემპიონატის XIX გათამაშების პირველ ტურში ჩვენმა გუნდმა გასვლით შეხვედრაში რუსთავის ოლიმპს 2:0 სძლია. გოლები ჯორჯ აკირემმა და მიხელ ხუციშვილმა გაიტანეს.

2012 წლის 11 აგვისტოს ჩვენი გუნდი კვლავ რუსთავს სტუმრობდა. დედაქალაქელმა ფეხბურთელებმა XXIV ჩემპიონატის პირველი ტურის შეხვედრაში ადგილობრივი მეტალურგი მინიმალური ანგარიშით – 1:0 დაამარცხეს. გამარჯვების გოლი ლევან ხმალაძის ანგარიშზეა.