სიახლეები

უმაღლესი ლიგის XXIX ტურის შეხვედრას დინამოელები 27 აპრილს სტუმრად, გორის დილასთან გამართავენ. გადავხედოთ ჩვენი გუნდის ისტორიას, 27 აპრილს დინამოს 8 შეხვედრა აქვს ჩატარებული. 3 ეროვნულ ასპარეზზე, 5 კი სსრკ გათამაშებაზე.

ეროვნულ ასპარეზზე გამართული სამი მატჩიდან ორი ჩვენი გუნდის გამარჯვებით დასრულდა, ერთი კი – ფრედ. დედაქალაქელებმა 2002 წლის 27 აპრილს თბილისში ქუთაისის ტორპედოს უმასპინძლეს და მინიმალური ანგარიშით 1:0 მოიგეს, 2007 წელს შინ გამართულ მატჩში დინამოელებმა თბილისური მერანი 3:0 დაამარცხეს, 2001 წელს კი ვიტ ჯორჯიასთან დაპირისპირება ფრედ – 1:1 დასრულდა.

სსრკ გათამაშებებში დინამოელებმა 27 აპრილს პირველად 1965 წელს სტუმრად, ქუთაისის ტორპედოს წინაარმდეგ ითამაშეს და მეტოქე მათსავე მოედანზე მშრალი ანგარიშით – 2:0 დაამარცხეს. 27 აპრილს ჩვენმა გუნდმა მორიგი მატჩი კვლავ სტუმრად ჩაატარა, 1967 წელს დინამო იმჟამინდელი ლენინგრადის ზენიტთან სტუმრად – 0:1 დამარცხდა. ზუსტად ორი წლის შემდეგ, 1969 წლის 27 აპრილს დინამოელები კვლავ ესტუმრნენ ზენიტს, დაპირისპირება ამჯერად გატანილი გოლების გარეშე დასრულდა. ჩვენი გუნდმა 1979 წელს თბილისში ზარიასთან დამაჯერებელი ანგარიშით – 3:0 იმარჯვა. 1986 წლის 27 აპრილს დედაქალაქელები ზენიტს ესტუმრნენ და – 0:3 დამარცხდნენ.

საქართველოს ჩემპიონატი

27 აპრილი. 2002 წელი

დინამო თბილისი 1:0 ტორპედო ქუთაისი

გოლი: ლევან მიქაძე

27 აპრილი. 2007 წელი

დინამო თბილისი 3:0 მერანი თბილისი

გოლები: სანდრო კობახიძე, სანდრო იაშვილი, გიორგი ფეიქრიშვილი

27 აპრილი. 2011 წელი

დინამო თბილისი 1:1 ვიტ ჯორჯია

გოლი: ვახტანგ ფანცხავა

სსრკ გათამაშება

27 აპრილი. 1965 წელი

ტორპედო ქუთაისი 0:2 დინამო თბილისი

გოლები: მაისურაძე, ხუციშვილი

27 აპრილი. 1967 წელი

ზენიტი 1:0 დინამო თბილისი

27 აპრილი. 1969 წელი

ზენიტი 0:0 დინამო თბილისი

27 აპრილი. 1979 წელი

დინამო თბილისი 3:0 ზარია ვოროშილოვგრადი

გოლები ჩელებაძე – 2, მინაშვილი

27 აპრილი. 1986 წელი

ზენიტი 3:0 დინამო თბილისი