სიახლეები

დინამო TV - დინამოელთა ვარჯიში და გამგზავრება

ხვალ, 25 სექტემბერს, ფოთის ცენტრალურ სტადიონზე ჩვენი გუნდი საქართველოს თასის 1/8 ფინალური ეტაპის პირველ შეხვედრას ხობის კოლხეთის წინააღმდეგ გამართავს. დღეს, ჩვენი გუნდის თავკაცმა დიღმის საწვრთნელ ბაზაზე მორიგი წვრთნა ჩაატარა. ვარჯიშის დასრულების შემდეგ, დინამოელებმა გეზი დასავლეთისკენ აიღეს.

კოლხეთი ხობი VS დინამო თბილისი – მატჩამდე

დინამო თბილისი საქართველოს დავით ყიფიანის სახელობის თასის 1/8 ფინალურ ეტაპზე ხობის კოლხეთს დაუპირისპირდება. შეხვედრა 25 სექტემბერს ფოთში სტადიონ ფაზისზე შედგება და ტრადიციულად ჩვენი კლუბის ოფიციალური ვებ–გვერდი შეხვედრის ტექსტურ რეპორტაჟს შემოგთავაზებთ.

ხობის კოლხეთი VS დინამო თბილისის თორნიკე გვანცელაძე განსჯის

საქართველოს დავით ყიფიანის სახელობის თასის 1/8 ფინალური ეტაპის პირველ შეხვედრას, რომელსაც ჩვენი გუნდი სტუმრად ხობის კოლხეთის წინააღმდეგ გამართავს, თორნიკე გვანცელაძე განსჯის. მას ასისტენტობას ზაზა ფიფია და დავით კვეტენაძე გაუწევენ. მეოთხე მსაჯის ფუნქციას კი გიორგი დოგრაშვილი შეასრულებს.

ჩისკო მუნიოსი VI ტურის სიმბოლურში

სპორტული გამოცემა ლელო ტრადიციულად ტურის შემდეგ, უმაღლესი ლიგის სიმბოლურ გუნდს ასახელებს. საქართველოს XXV ეროვნული ჩემპიონატის VI ტურის გამორჩეულ ფეხბურთელთა თერთმეტეულში ლელომ ჩისკო მუნიოსი შეიყვანა.

25 სექტემბერი დინამოს ისტორიაში

25 სექტემბერს საქართველოს დავით ყიფიანის სახელობის თასის გათამაშების 1/8 ფინალში ჩვენი გუნდი ხობის კოლხეთს დაუპირისპირდება. 25 სექტემბერს დინამოს 11 ოფიციალური წაუგებელი შეხვედრა აქვს გამართული, საიდანაც 7 მატჩი დედაქალქელთა გამარჯვებით, 4 კი ფრედ დასრულდა. ბურთების შეფარდება დინამოელთა სასარგებლოდ 11:2–ზე არის.