დინამოს აკადემიას ერთი კვირის მანძილზე ყაზახური ატირაუს აკადემიის ხელმძღვანელობა, მწვრთნელთა შტაბი, პირველი გუნდის დირექცია და პრეზიდენტი სტუმრობდნენ.
სტუმრობის ფარგლებში ატირაუს მწვრთნელები აკადემიაში სპეციალურად გამართულ სემინარებს დაესწრნენ, რომელზეც დინამოს აკადემიის სავარჯიშო მეთოდოლოგია-გამოცდილება, ფიზიკური და ფსიქოლოგიური მზადების საშუალებები და ტექნიკურ-ტაქტიკური ნიუანსები განიხილებოდა.
გუნდებს შორის ურთიერთთანამშრომლობის მემორანდუმიც გაფორმდა, რაც მწვრთნელთა გადამზადებას და გაცვლით პროგრამებს მოიცავს.