დინამო არენაზე დასრულებული შეხვედრის შემდეგ, რომელშიც დინამომ სიონი 1:0 დაამარცხა, გაიმართა ტრადიციული მატჩისშემდგომი პრესკონფერენცია. ჟურნალისტების წინაშე ვლადიმერ ბურდული და კახი გოგიჩაიშვილი წარდგნენ.
ვლადიმერ ბურდული: პირველ რიგში კახის მივულოცავ კარგ თამაშს და მოგებას. დინამომ სახე შეიცვალა და ძალიან კარგ გზაზე დგას. წარმატებებს ვუსურვებ ამ გუნდს და მეც როგორც ძველი დინამოელი ამ გუნდის წარმატება ყოველთვის გამიხარდება. დღეს გაუსაძლისი სიცხის მიუხედავად, ცუდი თამაში არ იყო. პირველ ტაიმში დინამოს ჰქონდა უპირატესობა, მეორე ტაიმში კი მიუხედავად ჩვენი დანაკლისისა მაინც უფრო აქტიურად ვითამაშეთ. ხაზი მინდა გაუსვა, რომ როგორც ფეხბურთელი ისჯება, ვფიქრობ უნდა ისჯებოდეს მსაჯი. მსაჯს არ ვაბრელებ წაგებას, თუმცა რაღაც უნდა შეიცვალოს ამ სისტემაში. კიდევ ერთხელ ვულოცავ კახის ამ გამარჯვებას.
კახი გოგიჩაიშვილი: დიდი მადლობა დინამოს და დინამოს გულშემატკივარს. პირველ რიგში მათ ვულოცავ ამ გამარჯვებას. ბიჭებმა ყველაფერი გააკეთეს მოგებისთვის. სიონი ძალიან ძლიერი და გამოცდილი გუნდია. დინამომ ტოლი არ დაუდო მათ. პირველ ტაიმში კი გვქონდა უპირატესობა, შემდეგ გოლიც გავიტანეთ და შევცვალეთ ტაქტიკა, რადგან მთავარი დღეს ჩვენთვის შედეგი იყო. მინდა მივულოცო დინამოს გულშემატკივარს.