ხვალ დინამო არენა ამხანაგურ შეხვედრას უმასპინძლებს. დინამო თბილისი ზაქათალის სიმურგს მიიღებს. მატჩი 16.00 საათზე დაიწყება და შეხვედრაზე დასწრება თავისუფალი იქნება. დინამოელები განაგრძობენ მზადებას. დღეს კახი გოგიჩაიშვილმა ანდრო ჟორდანიას სახელობის ბაზაზე მორიგი ვარჯიში გამართა. თბილისელები ხვალინდელ მატჩში შემადგენლობის ხუთ ფეხბურთელს მოისაკლისებენ. მიგინეიშვილი, ძარია, ცინცაძე, პაპავა და პაპუნაშვილი ეროვნულ ნაკრებში არიან გამოძახებულნი. დინამო TV გთავაზობთ დღეს ჩატარებული ვარჯიშის ვიდეო სიუჟეტს.