მცხეთა პარკზე დასრულებული შეხვედრის შემდეგ, რომელშიც დინამომ ვიტ ჯორჯიას 1:0 აჯობა, ჩვენი გუნდის მთავარმა მწვრთნელმა მატჩის შესახებ კომენტარი გააკეთა.
კახი გოგიჩაიშვილი: ვიტ ჯორჯია ჩვენთვის უხერხული მეტოქეა. ვიცოდით, რომ მძიმე მატჩი გვექნებოდა და ეგრეც გამოდგა. დღევანდელ თამაშში ჩვენთვის უმნიშვნელოვანესი იყო მოგება. კარგია, რომ შეხვედრა ჩვენი გამარჯვებით დასრულდა. ბიჭებმა მოინდომეს, იბრძოლეს და დასახულ მიზანს მიაღწიეს. პირველ ტაიმში კარგად ვითამაშეთ, მეორე ნახევარში მეტი ყურადღება დაცვას დავუთმეთ. ვულოცავ დინამოს და დინამოს გულშემატკივარს ამ მძიმე გამარჯვებას.