ხვალ 14.00 საათზე, ვიტალი დარასელიას სახელობის დინამოს აკადემიის მოედანზე საქართველოს ჩემპიონატის პირველი ლიგის მატჩი გაიმართება. დინამო-2 ჩემპიონატის მე- 14 ტურში ქედის ბეთლემს უმასპინძლებს. მალხაზ ჟვანიას შეგირდებს 13 ჩატარებული მატჩიდან 20 ქულა აქვთ დაგროვილი და მეხუთე ადგილზე იმყოფებიან, თუმცა ისიც აღსანიშნავია, რომ პირველ-მეორე ადგილოსანთან 5 ქულაა სხვაობა. ბეთლემი 25 ქულით მეორე ადგილზე იმყოფება, რაც ხვალინდელ შეხვედრას დამატებით ინტრიგას სძენს. დღეს დინამოს მეორე გუნდის ფეხბურთელებმა მორიგი წვრთნა გამართეს. დინამო TV ჩატარებული ვარჯიშის ვიდეო სიუჟეტს გთავაზობთ.